Kylian Mbappe është në mesin e shumë njerëzve të cilët i kanë dërguar mesazhe mbështetëse Marcus Rashfordit, pas penalltisë së humbur në disfatën e Anglisë kundër Italisë në penallti në finale të Euro 2020.
Rashfordi ishte lojtari i parë i Anglisë që e humbi penalltinë duke e goditur shtyllën pingule.
Pas tij dështuan edhe Jadon Sancho dhe Bukayo Saka, të cilëve goditjet nga pika e bardhë ua mbrojti portieri Gianluigi Donnarumma.
Mbappe, ndërkohë, përjetoi fat të njëjtë në Euro 2020 pasi e humbi penalltinë vendimtare dhe Franca u eliminua në 1/8 e finales në përballje me Zvicrën.
Sipas The Athletic, Mbappe ishte ndër të parët që i dërguan mesazh privatisht Rashfordit pasi ai e humbi penalltinë në finale.
Sipas gazetës britanike, sulmuesi francez e kishte ngushëlluar Rashfordin dhe i kishte bërë thirrje të jetë pozitiv.
Rashfordi kërkoi falje pas ndeshjes për humbjen e penalltisë./Gazeta Express/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite